የኢትዮጵያ ኦርቶዶክስ ተዋህዶ ቤተ ክርስቲያን ተከስቶ የነበረው ችግር እንደተፈታ አስታወቀች::

የኢትዮጵያ ኦርቶዶክስ ተዋህዶ ቤተ ክርስቲያን በውስጧ ተከስቶ የነበረው ችግር በቤተ ክርስቲያኗ ቀኖና እና ሥርዓት መሠረት እንደተፈታ አስታወቀች።

በዚህም መሠረት የቤተክርስቲያኗን ሥርዓት እና ሕግ ጥሰዋል ተብለው በቅዱስ ሲኖዶሱ ተወግዘው ተለይተው የነበሩት አባቶችም ወደ ቤተክርስቲያኗ መመለሳቸው ተገልጿል።

ሶስቱ ሊቃነ ጳጳሳት አቡነ ሳዊሮስ፣ አቡነ ኤዎስጣቴዎስና አቡነ ዜና ማርቆስ ወደ ቀደመ ሃገረ ስብከታቸውና ማዕረጋቸው እንዲመለሱና ተሿሚዎቹ ኤጲስ ቆጶሳት ሹመታቸው የጵጵስና ሹመታቸው
ተሽሮ ወደነበሩበት የክህነት ማዕረግ እንዲመለሱ ተወስኗል።

ከተሾሙት መካከል በቤተ ክርስቲያን ስርዓት ተመዝነው የሚያሟሉት በቅዱስ ሲኖዶሱ እንዲሾሙ ይደረጋል ተብሏል።

ቤተ ክርስቲያኗ ሕገወጥ ነው ካለችው ጵጵስና ሹመት ጋር ተያይዞ ባለፉት ሳምንታት በአገሪቱ ስጋት ፈጥሮ የነበረው ውዝግብ በቤተ ክርስቲያኗ ቀኖና እና ሥርዓት መሠረት መፈታቱን ቅዱስ ሲኖዶስ ረቡዕ የካቲት 08/2015 ዓ.ም. ይፋ አድርጓል።

ችግሩ መፍትሔ ማግኘቱን በተመለከተ መግለጫ በተሰጠበት ጊዜ የቤተክርስቲያኗ ሥራ አስኪያጅ አቡነ አብረሃም “ቅድስት ቤተ ክርስቲያን በሦስቱ አባቶች መመለስ እግዚአብሔርን ታመሰግናለች” ብለዋል።

ለዚህም ጠቅላይ ሚኒስትር ዐቢይ አህመድ ችግሩን በፖለቲካዊ መንገድ ከመፍታት ባሻገር በቤተ ክርስቲያኗ ቀኖና ሥርዓት መሠረት እንዲፈታ ታላቅ አስተዋፅኦ ማበርከታቸው ተገልጿል።

“አሁን ችግሩ ተፈትቷል፣ ወደፊትም የቤተ ክርስቲያኗ ሉዓላዊነት እና አንድነት ተጠብቆ ክርስቶስ እስከሚመጣ በአንድነቷ እና በሉዓላዊነቷ ትኖራለች” ማለታቸው በመግለጫው ላይ ሰፍሯል።

ችግሩም እልባት እንዲያገኝ በቤተ ክርስቲያኗ በኩል አቡነ ናትናኤል፣ አቡነ ኤርምያስ፣ አቡነ ሩፋኤል እና የአገር ሽማግሌዎች በተገኙበት ሰፊ ውይይት ስለመደረጉ እና ችግሩንም ለመፍታት መቻሉ ተገልጿል።

ጠቅላይ ሚኒስትር ዐቢይ በተገኙበትም ቤተ ክርስቲያኗን የወከሉ አባቶችና የአገር ሽማግሌዎች ባሉበት ውይይት ተደርጎ የተደረሰበትን ስምምነት ሲኖዶሱ ተቀብሎታል ብሏል።

ከሦስት ሳምንታት በፊት በቤተክርስቲያኗ አካታችነት እና የቋንቋ አጠቃቀም ላይ ያነሳናቸው ጥያቄዎች ምላሽ አላገኙም በማለት 26 ኤጲስ ቆጶሳትን በመሾም ውዝግቡ መጀመሩ ይታወሳል።

ይህንንም ተከትሎ የኢትዮጵያ ኦርቶዶክስ ቤተክርስቲያን ቅዱስ ሲኖዶስ ከሃይማኖታዊ ቀኖና እና ሥርዓት ውጪ ነው በማለት የጵጵስና ሹመቱን የሰጡት እና ተሿሚዎችን የቤተክርስቲያኗን ሕግ እንዲሁም ሥርዓት ጥሰዋል በማለት አውግዞ እንዲለዩ መወሰኑ ይታወሳል።

ነገር ግን አባቶቹ ጥፋታቸውን አምነው ይቅርታ የሚጠይቁ ከሆነ ቤተክርስቲያኗ መልሳ እንደምትቀበላቸው ገልጻ ነበር።

በአባቶቹ መካከል የተደረሰው ስምምነት

በቤተክርስቲያኗ ውስጥ ለተፈጠረው ችግር መፍትሔ ለመስጠት የቤተ ክርስቲያኗ አባቶች የካቲት 8/2015 ዓ.ም. ያደረጉት ውይይት አስር ነጥቦችን በማሳለፍ ተጠናቋል። በዚህም

ችግሩ መፍትሔ ማግኘቱን በተመለከተ መግለጫ በተሰጠበት ጊዜ የቤተክርስቲያኗ ቤተ ክህነት ሥራ አስኪያጅ አቡነ አብረሃም “ቅድስት ቤተ ክርስቲያን በሦስቱ አባቶች መመለስ እግዚአብሔርን ታመሰግናለች” ብለዋል።

ለዚህም ጠቅላይ ሚኒስትር ዐቢይ አሕመድ ችግሩን በፖለቲካዊ መንገድ ከመፍታት ባሻገር በቤተ ክርስቲያኗ ቀኖና እና ሥርዓት መሠረት እንዲፈታ ታላቅ አስተዋፅኦ ማበርከታቸው ተገልጿል።