በቡራዩ ከተማ በተፈፀመ ጥቃት የከተማው ፖሊስ አዛዥ ኮሚሽነር በጥይት ተገደሉ።

ጥቃት የተፈፀመው ከቀኑ 6 ሰዓት አካባቢ ሲሆን ሁለቱ የፀጥታ ኃላፊዎች አብረው ምሳ በመብላት ላይ እንደነበሩ ተገልፆአል። ይህ ዘገባ እስከተጠናቀረበት ጊዜ ድረስ ከመንግስት ጥቃቱን እና ጥቃት ፈፃሚውን በተመለከተ የተሰጠ መረጃም ሆነ ማብራርያ የለም።

ከሰሞኑ (ትናንት በሀረር፣ በቅርቡ በጅማ፣ እና ሌሎች አካባቢዎችም) በእነ ጀዋር ሙሀምድና በጠቅላይ ሚኒስትሩ ደጋፊዎች መካከል እርስበርስ ግጭት መፈጠሩ ይታወሳል።

ከቅርብ ጊዜ ወዲህ በኦሮሚያ አካባቢ እየተስተዋለ ያለው አለመረጋጋት አሳሳቢ ደረጃ ላይ የደረሰ ሲሆን ከመሰል በባለስልጣናት ላይ ከሚፈፀሙ የግድያ ወንጀሎች ባሻገር ብሄር እና ሀይማኖት ተኮር ጥቃቶችም የበርካቶችን ህይወት እየቀጠፈ ይገኛል።

በቅርቡም ከተለያዩ በክልሉ ከሚገኙ ዩንቨርስቲዎች ከ35 ሺህ በላይ የአማራ ተማሪዎች ትምህርታቸውን ለማቋረጥ የተገደዱ ሲሆን በተያያዘም ከደምቢ ዶሎ ዩንቨርስቲ ህይዎታቸውን ለማትረፍ ወደ ወደ ቤተሰቦቻቸው በመመለስ ላይ የነበሩ ተማሪዎች በወለጋ አካባቢ ታግተው እስካሁን ደብዛቸው መጥፋቱ ይታወቃል።