መረጃ ስለመስጠት
****
የሰኔ 15ቱን ክስተት ተከትሎ በኦሮሚያ ክልል፣ ምስራቅ ወለጋ ዞን ኬረሞ ወረዳ ከአማራ ብሔራዊ ንቅናቄ (አብን) ጋር ግንኙነት አላችሁ በሚል ከአንድ ወር በላይ በእስር የቆዩት 17 አማሮች በትላንትናው ዕለት ማለትም ነሐሴ 1/2011 ዓ.ም በዋስትና ተፈተዋል። ምንም እንኳን ያለበቂ ጥርጣሬ መያዛቸውና ያለአግባብ መንገላታታቸው ስህተት የነበረ ቢሆንም በዋስትናም ቢሆን መፈታታቸው በበጎ የሚታይ ነው።
ከዚህ ጋር በተያያዘ በሀገሪቱ የተለያዩ አካባቢዎች ያለበቂና ምክንያታዊ ጥርጣሬ በአማራነታቸው ብቻ በግፍና በገፍ የተያዙ የአብን አመራሮች፣ አባላት፣ ደጋፊዎች እና ሌሎች ወገኖቻችን ያለምንም ቅድመ ሁኔታ በቶሎ እንዲለለቀቁ ንቅናቄያችን አሁንም ይጠይቃል።